2025 දෙසැම්බර් මස 7 වන දින උතුරු පළාතේ වව්නියාව දිස්ත්රික්කයේ පිහිටි මරදමඩු සිංහල ගම්මානයේ ආපදා තත්ත්වයට පත්වූ ජනතාව වෙනුවෙන් විශේෂ සහන සේවා වැඩසටහනක් ක්රියාත්මක කරන ලදී. මෙම වැඩසටහන යටතේ අත්යවශ්ය වියලි ආහාර පර්සල් විශාල සංඛ්යාවක් පීඩාවට පත්වූ පවුල් වෙත ලබා දීමට සිසු සෙවණ සංවිධානය මූලිකත්වය ගත්තේය.
මෙම සහන සේවා වැඩසටහන මරදමඩු ගම්මානයේ පිහිටි විහාරයේදී පැවැත්වූ අතර, ප්රදේශයේ ග්රාම නිලධාරීන් සමඟ සමීප සම්බන්ධතාවයෙන් ක්රියාත්මක කරන ලදී. සිසු සෙවණ සංවිධානයේ අනුශාසක දියගම සුගත ධර්මරත්න ස්වාමින් වහන්සේගේ උපදෙස් සහ ආශීර්වාදය යටතේ මෙම වැඩසටහන ක්රියාත්මක වීමෙන්, පීඩාවට පත්වූ ජනතාවට කාලෝචිත සහ ප්රයෝජනවත් සහනයක් ලබා දීමට හැකි විය.
ආපදා තත්ත්වයන් හමුවේ අසරණ වූ පවුල්වල දෛනික ජීවිතය යථා තත්ත්වයට පත් කිරීමට සහ මානවීය සංවේදීත්වය ප්රවර්ධනය කිරීමට මෙම වැඩසටහන මහත් දායකත්වයක් ලබා දුන්නා. ප්රජාව සමඟ එක්ව කටයුතු කරමින් සමාජ වගකීම ඉටු කිරීමේ සිසු සෙවණ සංවිධානයේ කැපවීම මෙම සහන සේවා වැඩසටහන හරහා පැහැදිලිව පෙනී ගියේය.
